Cwlwm Seiriol

Galluogi trigolion Ardal Seiriol i wella eu hamgylchedd naturiol a’u hiechyd trwy wneud gwaith cadwraethol.

Trosolwg Astudiaethau Galeri Dogfennau/Dolenni

Trosolwg

Mae Cwlwm Seiriol yn un o chwech o brosiectau sydd wedi derbyn arian trwy rhaglen newydd Y Loteri Fawr ‘Creu eich Lle’. Bwriad y rhaglen hon yw rhoi cyfle i gymunedau benderfynu sut i warchod a gwella eu hamgylchedd naturiol leol mewn ffordd sy'n gwneud gwahaniaeth iddyn nhw ac yn diwallu anghenion cenedlaethau'r dyfodol.

Erbyn 2023 mae’r prosiect yn gobeithio cyflawni’r canlynol:

Mae cymunedau o fewn Ward Seiriol yn teimlo’n fwy hyderus ac yn ymroddedig i reoli eu mannau gwyrdd lleol.
Mae mwy o gydlyniad o fewn cymunedau lleol gyda phreswylwyr lleol, grwpiau cymunedol, tirfeddianwyr a busnesau wedi bod yn rhan weithgar yn y prosiect.
Adfer ward Seiriol gan gynnwys cysylltu mannau agored drwy rwydwaith o goridorau a llwybrau troed.
Bod cymunedau’n manteisio ar y mannau agored sydd o’u cwmpas mewn perthynas â lles corfforol a meddyliol.

Mae’r ward yn cynnwys yr asedau ffisegol canlynol:

50 erw o gronfeydd wrth gefn, 40 ohonynt yn Warchodfeydd Natur Lleol dynodedig
60 erw o diroedd cyffredin heb eu rheoli
23km o Lwybr Arfordirol trwy arfordir dynodedig yr AHNE
Gwarchodfa Ymddiriedolaeth Natur Gogledd Cymru (NWWT) Mariandyrys o 6.75 Ha
Pafin Bwrdd Arthur
Coed y Brenin Llangoed
Ardaloedd mwnt a beili Aberlleiniog
5km o gefnffyrdd sy’n addas ar gyfer creu coridorau bioamrywiaeth

Grŵp Llywio Cwlwm Seiriol

Mae grŵp llywio Cwlwm Seiriol yn cynnwys 14 o unigolion o’r ardal leol. Fe’u recriwtiwyd gan ddefnyddio proses ddethol agored ac maent yn meddu ar ystod o ddiddordebau a sgiliau sy’n adlewyrchu amcanion prosiect Cwlwm Seiriol.

Aelodau o Grwp Llywio Cwlwm Seiriol

Cylchlythyr Cwlwm Seiriol

Cliciwch yma ar gyfer Cylchlythyr 1af Cwlwm Seiriol.